Հասարակական կարգի պահպանություն, հանցագործությունների կանխում, նախականխում, բացահայտում

Քրեական ոստիկանության գխավոր վարչություն՝ ոստիկանության մասնագիտացված ստորաբաժանում, որը բացահայտում և կանխում է հանցագործությունները, որոնում է հանցագործություն կատարած անձանց և անհետ կորածներին։ Մենք իրականացնում ենք օպերատիվ-հետախուզական միջոցառումներ՝ ապահովելով հասարակական անվտանգությունն ու քաղաքացիների իրավունքների պաշտպանությունը։

Համայնքային ոստիկանության գլխավոր վարչություն՝ ոստիկանության այն ծառայությունն է, որը գործում է քաղաքացիներին առավել մոտ՝ ապահովելով հասարակական կարգն ու անվտանգությունը համայնքներում։ Մենք համագործակցում ենք բնակիչների, համայնքային կառույցների և կազմակերպությունների հետ՝ կանխելու իրավախախտումները և արագ արձագանքելու խնդիրներին։

Պարեկային ծառայություն՝ ոստիկանության ծառայությունն է, որը շուրջօրյա ապահովում է հասարակական կարգն ու անվտանգությունը՝ փողոցներում և հանրային վայրերում։ Պարեկները արձագանքում են ահազանգերին, կանխում իրավախախտումները և աջակցում քաղաքացիներին՝ արագ ու տեսանելի ներկայությամբ։

Ոստիկանության գվարդիա՝ ոստիկանության հատուկ ստորաբաժանում է, որը ապահովում է պետական և հասարակական կարևորության օբյեկտների պահպանությունը, ինչպես նաև միջոցառումների ընթացքում հասարակական կարգն ու անվտանգությունը։ Գվարդիան իրականացնում է հատուկ պահպանության և օպերատիվ աջակցման գործառույթներ՝ արագ ու համակարգված արձագանքով։