• ՆԳՆ Ոստիկանության բարձրագույն կոչումները շնորհում է Հայաստանի Հանրապետության Նախագահը:
• ՆԳՆ Ոստիկանության գլխավոր, ավագ և միջին կոչումները շնորհում է պետական կառավարման մարմնի ղեկավարը, իսկ կրտսեր կոչումները` ծառայողին ոստիկանության համապատասխան պաշտոնին նշանակելու իրավասություն ունեցող անձը:
• ՆԳՆ Ոստիկանության կոչումները շնորհվում են հերթականության կարգով, զբաղեցրած պաշտոնի համար նախատեսված ոստիկանության կոչմանը համապատասխան` սահմանված ժամկետը լրանալուց հետո` 15-օրյա ժամկետում, բացառությամբ սույն օրենքով նախատեսված դեպքերի:
• ՆԳՆ Ոստիկանության կոչումները շնորհվում են անհատական կարգով` ցմահ:
• ՆԳՆ Ոստիկանությունում ծառայությունը դադարեցրած ծառայողի կոչմանն ավելացվում է «պաշտոնաթող» բառը:

ՆԳՆ Ոստիկանության կոչումների շնորհման ժամկետները

Ոստիկանության կոչումների համար սահմանվում են ոստիկանության կոչումներով ծառայության հետևյալ ժամկետները.

• ՆԳՆ ոստիկանության կրտսեր կոչումներ`
  • ՆԳՆ ոստիկանության կրտսեր սերժանտ` 1 տարի,
  • ՆԳՆ ոստիկանության սերժանտ` 2 տարի,
  • ՆԳՆ ոստիկանության ավագ սերժանտ` 3 տարի,
  • ՆԳՆ ոստիկանության ավագ` 3 տարի,
  • ՆԳՆ ոստիկանության ենթասպա` 4 տարի:
  • ՆԳՆ ոստիկանության ավագ ենթասպայի կոչումով ծառայության ժամկետ չի սահմանվում.
• ՆԳՆ ոստիկանության միջին կոչումներ`
  • ՆԳՆ ոստիկանության կրտսեր լեյտենանտ` 1 տարի,
  • ՆԳՆ ոստիկանության լեյտենանտ` 2 տարի,
  • ՆԳՆ ոստիկանության ավագ լեյտենանտ` 3 տարի,
  • ՆԳՆ ոստիկանության կապիտան` 3 տարի,
  • ՆԳՆ ոստիկանության մայոր` 4 տարի.
• ՆԳՆ ոստիկանության ավագ կոչում`
  • ՆԳՆ ոստիկանության փոխգնդապետ` 5 տարի.
• ՆԳՆ ոստիկանության գլխավոր կոչում`
  • ՆԳՆ ոստիկանության գնդապետ:

Ոստիկանության գնդապետի և ոստիկանության բարձրագույն կոչումներով ծառայության ժամկետ չի սահմանվում: