Համայնքային ոստիկանության հիմնական գործառույթները․

• ոչ մեծ և միջին ծանրության հանցագործությունների նախականխում, կանխում, խափանում և բացահայտում,
• հետախուզվողների հայտնաբերում,
• վարչական իրավախախտումների նախականխում, կանխում, խափանում և բացահայտում,
• անչափահասների հանցավորության և ընտանիքում բռնության կանխարգելումը, ընտանիքում բռնության ենթարկված անձանց պաշտպանությունը
• ձերբակալված և կալանավորված անձանց ուղեկցում և անվտանգության ապահովում,
• բնակչության հետ ամենօրյա հաղորդակցում և ոստիկանության նկատմամբ հանրային վստահության ձևավորում
• զենքի և զինամթերքի շրջանառության վերահսկողությունը, թույլտվությունների տրամադրումը։

Համայնքային ոստիկանության խնդիրներն ու գործառույթները՝ ուղղված են համայնքներում հասարակական կարգի պահպանմանը և իրավախախտումների կանխմանը։ Համայնքային ոստիկանությունը համագործակցում է բնակչության, տեղական ինքնակառավարման մարմինների և այլ կառույցների հետ՝ ապահովելով արագ արձագանք, կանխարգելիչ աշխատանք և քաղաքացիների իրավունքների պաշտպանություն։

ՀՀ ՆԳՆ ոստիկանության ՀՈԳՎ պետ, ոստիկանության պետի տեղակալի պարտականությունները կատարող, ոստիկանության գնդապետ Կարեն Խաչատրյան

Համայնքային ոստիկանության տարածքային ստորաբաժանումների մասին տեղեկատվությանը կարող եք ծանոթանալ հետևյալ հղմամբ։

• Համայնքային ոստիկանության հեռախոսահամար՝ +37410-52-03-10

Մատուցվող ծառայություն

• Ի՞նչ է զենքի թույլտվությունների տրամադրումը՝
  Ոստիկանության կողմից իրականացվող վարչարարական գործընթաց, որի արդյունքում Ֆիզիկական և իրավաբանական անձանց տրվում է քաղաքացիական և ծառայողական զենքի համապատասխան թույլտվություններ։
  
  
• Զենքի թույլտվության տրամադրման գործընթացը կարգավորվում է՝  
  «Զենքի շրջանառության կարգավորման մասին» օրենքով, Ներքին գործերի նախարարության ոստիկանության պետ-ներքին գործերի նախարարի տեղակալի 2023 թվականի մայիսի 11-ի թիվ 4-Ն  հրամանով, Կառավարության որոշումներով և այլ իրավական ակտերով։

Թույլտվությունների տրամադրման մասին տեղեկատվությունը և թեստային հարցաշարերն՝ այստեղ։