Ոստիկանության գվարդիայի հիմնական գործառույթները․

• հասարակական կարգի պահպանությունը և հասարակական անվտանգության ապահովումը,
• պետական պահպանության ենթակա կարևորագույն նշանակության օբյեկտների պահպանությունը, ինչպես նաև հատուկ բեռների տեղափոխման անվտանգության ապահովումը,
• ռազմական դրության իրավական ռեժիմի և արտակարգ դրության իրավական ռեժիմի ապահովմանը, ինչպես նաև արտակարգ իրավիճակներում բնակչության պաշտպանությանը մասնակցելը,
• հատուկ պետական պաշտպանության ենթակա անձանց անվտանգության ապահովմանն աջակցելը,
• քրեական վարույթն իրականացնող մարմիններին օժանդակելը:

Ոստիկանության գվարդիայի խնդիրներն ու գործառույթները՝ ուղղված են պետական և հասարակական կարևորության օբյեկտների պահպանությանը, հասարակական կարգի ապահովմանը և անվտանգության պահպանմանը։ Գվարդիան իրականացնում է հատուկ պահպանության, ուղեկցման և օպերատիվ աջակցության գործողություններ՝ աջակցելով ոստիկանության մյուս ստորաբաժանումներին անվտանգության ապահովման գործում։

ՀՀ ՆԳՆ ոստիկանության գվարդիայի հրամանատար, ոստիկանության գեներալ-մայոր Հայկ Բաբայան

Ոստիկանության գվարդիայի ստորաբաժանումների մասին տեղեկատվությանը կարող եք ծանոթանալ հետևյալ հղմամբ։

Մատուցվող ծառայություն

Ի՞նչ է հանրային անվտանգությունը և այն ապահովելու մեխանիզմները

• Հանրային անվտանգությունը հասարակության և յուրաքանչյուր քաղաքացու պաշտպանվածության վիճակն է տարբեր սպառնալիքներից՝ ապահովելով մարդկանց կյանքի, առողջության, իրավունքների և գույքի անվտանգությունը։ 

Այն ներառում է մի քանի կարևոր ուղղություն․ 

Ֆիզիկական անվտանգություն՝ 

• հանցագործությունների կանխարգելում և խափանում
• կարգուկանոնի պահպանում 
• զանգվածային միջոցառումների՝ հանրային հավաքների և հանրային այլ միջոցառումների անվտանգ կառավարում 

Արտակարգ իրավիճակներում պաշտպանություն՝

• բնական և տեխնածին աղետների արձագանքում
• արտակարգ ծառայությունների աշխատանք
• տարհանման և օգնության կազմակերպում 
• արտակարգ իրավիճակների հետևանքների վերացման աջակցություն

Իրավական պաշտպանություն՝ 

• օրենքների պահպանում 
• մարդու իրավունքների պաշտպանություն 
• արդար և հավասար վերաբերմունք բոլորի նկատմամբ 

Հանրային անվտանգությունն ապահովելու հիմնական նպատակներն են՝

• կանխել հանրության համար վտանգավոր իրավիճակները
• նվազեցնել դրանց հետևանքները
• ապահովել քաղաքացիների բնականոն և անվտանգ կյանքը
• զերծ պահել հասարակությանը ֆիզիկական, հոգեբանական և նյութական վնասներից

Հանրային անվտանգությունն ապահովելու հիմնական մեխանիզմներն են.

• Օրենքների և նորմատիվ այլ ակտերի ընդունում, որոնք կարգավորում են հանրային անվտանգության և հանրության կայունության ուղղությամբ հասարակական հարաբերությունները
• Հասարակական կարգի պահպանման և հանցավորության դեմ պայքարի ուղղությամբ ոստիկանության և այլ իրավապահ մարմինների ակտիվ փոխգործակցված աշխատանք

Այս մեխանիզմները նպատակ ունեն ապահովել քաղաքացիների շահերի պաշտպանությունը և սոցիալական կայունությունը։