🔊Ձայնային ազդանշանների կիրառման կանոնները

Ճանապարհային երթևեկության անվտանգության տեսանկյունից ձայնային ազդանշանների ճիշտ և տեղին կիրառումն ունի կարևոր նշանակություն։

• Ժամանակին տրված ազդանշանը կարող է կանխել ճանապարհատրանսպորտային պատահարը՝ գրավելով երթևեկության մյուս մասնակիցների ուշադրությունը։

📍Երբ է թույլատրելի ձայնային ազդանշան տալը

ՀՀ կառավարության 2007 թ․ հունիսի 28-ի N 955-Ն որոշմամբ հաստատված Ճանապարհային երթևեկության կանոններով սահմանված է, որ ձայնային ազդանշանները կարող են կիրառվել միայն՝

1) բնակավայրերից դուրս վազանց կատարելու մտադրության մասին մյուս վարորդներին նախազգուշացնելու համար,
2) այն դեպքերում, երբ դա անհրաժեշտ է ճանապարհատրանսպորտային պատահարը կանխելու համար:

⛔Արգելված և իրավախախտում համարվող դեպքեր

Ձայնային ազդանշանի անհիմն կիրառումն արգելվում է․ այն համարվում է վարչական իրավախախտում։ Երբ ձայնային ազդանշանը չի ծառայում անվտանգության ապահովմանը, դրա օգտագործումը առաջացնում է վարչաիրավական հետևանքներ։

🚨Հատուկ ձայնային ազդանշանների ապօրինի կիրառումը

Մտահոգիչ է նաև տրանսպորտային միջոցների վրա առանց համապատասխան թույլտվության հատուկ ձայնային ազդանշաններ արձակելու սարքավորումների տեղադրումը։ Նման սարքավորումներ նախատեսված են բացառապես հատուկ ծառայությունների համար և կիրառվում են ծառայողական անհրաժեշտությունից ելնելով։

👮Վերահսկողություն և պատասխանատվություն

ՆԳՆ ոստիկանության ծառայողները պարբերաբար իրականացնում են հատուկ միջոցառումներ՝ նման խախտումները հայտնաբերելու նպատակով։

• Եթե տրանսպորտային միջոցի վրա հայտնաբերվում է հատուկ ձայնային ազդանշան արձակող սարքավորում, այն առգրավվում է, իսկ վարորդը զրկվում է վարելու իրավունքից մեկ տարի ժամկետով։

⚖️Հորդոր վարորդներին

Հարգելի՛ վարորդներ, ճանապարհային երթևեկության անվտանգության ապահովման համար անհրաժեշտ է խստորեն պահպանել ինչպես ձայնային ազդանշանների կիրառման, այնպես էլ երթևեկության անվտանգության բոլոր կանոնները։ Սա յուրաքանչյուրիս պատասխանատվությունն է։