Բռնության զոհ չդառնալու լավագույն միջոցներից մեկը անծանոթ կամ տարօրինակ վարքագիծ դրսևորող անձանց նկատմամբ զգուշավոր վերաբերմունքն է, ինչը կարող է հնարավոր վտանգ ներկայացնող անձին ստիպել վերանայել մտադրությունները։

Ինքնապաշտպանության միջոցների կիրառումը նպատակահարմար է միայն այն դեպքում, երբ առկա է օգնություն ստանալու կամ շրջապատի աջակցությանը դիմելու իրական հնարավորություն։

✔️ Բռնության ռիսկերի կանխարգելում և պաշտպանություն

• Ուշադիր եղեք ձեր շրջապատի նկատմամբ, խուսափեք կասկածելի իրավիճակներից կամ անձանցից։
• Խուսափեք մութ, մեկուսացված և քիչ անցանելի վայրերով անցնելուց։
• Հնարավորության դեպքում շարժվեք մարդկանց խմբով՝ հատկապես ուշ ժամերին։
• Պահեք կապի միջոցները հասանելի վիճակում՝ անհրաժեշտության դեպքում օգնություն կանչելու համար։
• Խուսափեք կոնֆլիկտային իրավիճակներից և անծանոթ անձանց հետ վիճաբանությունից։
• Գիշերային ժամերին հնարավորության դեպքում խնդրեք, որ ձեզ ուղեկցեն կամ դիմավորեն։
• Հարձակման կամ անմիջական վտանգի դեպքում հնարավոր է կիրառել ուշադրությունը շեղող գործողություն, օրինակ՝ ժամանակ շահելու և հեռանալու նպատակով ձեռքի տակ եղած առարկա (պայուսակ, բանալիների խուրձ և այլն) նետելով
• Վզնոցների և այլ կախազարդերի օգտագործումը խորհուրդ է տրվում սահմանափակել, քանի որ դրանք կարող են հարձակման ժամանակ օգտագործվել որպես «գործիք»։
• Աշխատեք ձեռքերը չծանրաբեռնել շատ պայուսակներով՝ արագ շարժվելու և արձագանքելու հնարավորությունը չնվազեցնելու համար։

✔️ Վտանգավոր իրավիճակներում վարքագծի խորհուրդներ

• Հարձակման ենթարկվելու դեպքում երբեմն համառ դիմադրությունը կարող է սրել իրավիճակը, ուստի նպատակահարմար է առաջնահերթ կիրառել հոգեբանական մոտեցումներ՝ փորձելով ժամանակ շահել և վերահսկել իրավիճակը։
• Հնարավորության դեպքում փորձեք հանգիստ խոսել, առաջարկել կանգ առնել կամ տեղափոխվել ավելի մարդաշատ վայր՝ ուշադրություն շեղելու և օգնություն ստանալու նպատակով։
• Զինված հանցագործի հետ շփման դեպքում անհրաժեշտ է ցուցաբերել առավելագույն զգուշություն և չկատարել կտրուկ գործողություններ։
• Խուճապը, լացը կամ բարձրաձայն գոռալը կարող են վտանգավոր հետևանքներ ունենալ, ուստի փորձեք հնարավորինս պահպանել հանգստություն։

✔️ Իրազեկում և հաղորդման կարևորություն

Բռնության ենթարկված անձինք երբեմն ամոթի կամ այլ պատճառներով չեն դիմում իրավապահ մարմիններին։ Նման դեպքում կարող է ձևավորվել հանցագործի անպատժելիության զգացում, ինչը նպաստում է նոր իրավախախտումների կատարմանը։

🚨Բռնության ցանկացած դեպքի մասին տեղեկացնելը կարևոր է ինչպես ձեր, այնպես էլ այլ անձանց անվտանգության ապահովման համար։