Հարգելի՛ քաղաքացիներ
🤝միասին ապահովենք, որ ուսումնական տարին լինի անվտանգ, կարգապահ և վստահելի միջավայրում։
Սեպտեմբերի 1․ Գիտելիքի և դպրության օր
Սեպտեմբերի 1-ին՝ Գիտելիքի և դպրության օրը, հանրապետության կրթական հաստատությունների հարակից տարածքներում իրականացվում է ուժեղացված ծառայություն՝ «Զգուշացե՛ք, երեխաներ են» կարգախոսով։
Հանրակրթական դպրոցների և ուսումնական մյուս հաստատությունների շրջակայքում Ոստիկանության տարբեր ստորաբաժանումներ իրականացնում են երթևեկության կարգավորում, ապահովում հասարակական կարգը և վերահսկում երեխաների անվտանգ տեղաշարժը։
Խորհուրդներ
- Տարրական դասարանների երեխաներին մի՛ թողեք առանց հսկողության։
- Անչափահասներին մի՛ տրամադրեք տրանսպորտային միջոցներ։
- Երթևեկելիս եղե՛ք առավել զգոն, խստորեն պահպանե՛ք ճանապարհային երթևեկության կանոնները։
- Մեքենան մի՛ կայանեք արգելված գոտիներում, երկրորդ շարքով կամ հետիոտնային անցումների վրա
Հորդոր
ՆԳՆ ոստիկանությունը հորդորում է վարորդներին և երթևեկության բոլոր մասնակիցներին ցուցաբերել առավելագույն զգոնություն՝ հատկապես ուսումնական տարվա առաջին օրերին։ Պահպանե՛ք ճանապարհային երթևեկության կանոններն ու հասարակական կարգը՝ կանխելով հնարավոր պատահարները։
🎓 Շնորհավորանք
Շնորհավորում ենք ուսումնական տարվա մեկնարկի կապակցությամբ։
Մաղթում ենք արդյունավետ և անվտանգ ուսումնական տարի։
Հարգելի՛ քաղաքացիներ
🤝միասին ապահովենք, որ ուսումնական տարին լինի անվտանգ, կարգապահ և վստահելի միջավայրում։