ՆԳՆ ոստիկանության ծառայողները հանրապետության ողջ տարածքում  շարունակում են իրականացնել հասարակական կարգի պահպանմանն ու քաղաքացիների անվտանգության ապահովմանն ուղղված օպերատիվ-կանխարգելիչ միջոցառումներ։
 
Հոկտեմբերի 19-ից 25-ն ընկած ժամանակահատվածում ոստիկանության ծառայողները ստուգողական շրջայցեր են իրականացրել տարբեր բնակավայրերի հավաքատեղիներում։
 
Ձեռնարկված թիրախային միջոցառումների արդյունքում Համայնքային ոստիկանության բաժիններ են տեղափոխվել նախկինում դատապարտված և հանցավոր հակումներ ունեցող 90 անձ։
 
Հատուկ միջոցառումների արդյունքում հայտնաբերվել են  տարբեր տեսակի թմրամիջոցներ և զենք-զինամթերք։
 
ՆԳՆ ոստիկանության կողմից իրականացվող օպերատիվ-կանխարգելիչ միջոցառումները պարբերական են։