🗓 ՄԱԿ-ի Կենսաբազմազանության մասին կոնվենցիայի կողմերի 17-րդ համաժողովի (COP17) շրջանակում նախատեսվող միջազգային պատվիրակությունների և բարձրաստիճան հյուրերի այցերով պայմանավորված՝ հոկտեմբերի 15-ին և 16-ին Երևան քաղաքի մի շարք փողոցներում ժամանակավորապես կսահմանափակվի տրանսպորտային միջոցների երթևեկությունը։

 

📢 Հարգելի՛ քաղաքացիներ,
COP17 միջազգային համաժողովի շրջանակում հնարավոր խցանումներից և անհարմարություններից խուսափելու, ինչպես նաև մայրաքաղաքի ճանապարհային ցանցի ծանրաբեռնվածությունը նվազեցնելու նպատակով ՆԳՆ ոստիկանությունը հորդորում է հնարավորության դեպքում սահմանափակել անձնական տրանսպորտային միջոցների օգտագործումը, նախապատվությունը տալ հասարակական տրանսպորտին և նախապես պլանավորել երթուղիները՝ հաշվի առնելով նախատեսվող սահմանափակումները։
Գիտակցելով, որ սահմանափակումները կարող են որոշակի անհարմարություններ առաջացնել, հայցում ենք ձեր ներողամտությունը և շնորհակալություն հայտնում ըմբռնման համար։

Ձեր աջակցությունն ու պատասխանատու վարքագիծը կարևոր են միջազգային նշանակության միջոցառման անվտանգ և պատշաճ կազմակերպման համար։