ՆԳՆ համայնքային ոստիկանությունն անչափահասների հետ տարվող աշխատանքում կարևորում է ոչ միայն կանխարգելիչ միջոցառումները, այլև այնպիսի նախաձեռնությունները, որոնք նպաստում են  ոստիկանություն–համայնք վստահության ամրապնդմանը։

Այդ նպատակով հուլիսի 29-ից 31-ը ՆԳՆ Համայնքային ոստիկանության Ճամբարակի բաժնի նախաձեռնությամբ անցկացվել է մինի-ֆուտբոլի առաջնություն։

Խաղին հետևում էին ՆԳՆ ոստիկանության և  Ճամբարակի համայնքապետարանի ներկայացուցիչներ։

Մարզական միջոցառմանը մասնակցել են Ճամբարակի 13  դպրոցների 104 աշակերտներ։ Երեք օր շարունակ մարզադաշտում տիրել է մրցակցային և ընկերական մթնոլորտ։ Մասնակիցները ցուցադրել են անզիջում պայքար՝ հավատարիմ մնալով արդար մրցակցության սկզբունքներին։

3-րդ հորիզոնականը զբաղեցրել է Ճամբարակի թիվ 1 հիմնական դպրոցի թիմը, 2-րդ հորիզոնականը՝ Այգուտ գյուղի միջնակարգ դպրոցի, իսկ  պատվավոր առաջին տեղը զբաղեցրել է Ճամբարակի ավագ դպրոցի թիմը։

Մրցանակային տեղեր զբաղեցրած թիմերը պարգևատրվել են պատվոգրերով և մեդալներով, իսկ առաջնության հաղթողին հանձնվել է հաղթողի գավաթը։